सवारी दुर्घटनामा एक जनाको मृत्यु भएको छ । उदयपुर, त्रियुगा नगरपालिका-६ चुरे वनस्थित सडकमा गाईघाटबाट लहानतर्फ जाँदै गरेको ना.१ ज ६२७९ नम्बरको विङ्गर गाडी सडकबाट करिब ३० मिटर तल खसेर आइतबार दिउँसो दुर्घटना हुँदा गाडीमा सवार काठमाडौं महानगरपालिका-५ बस्ने ५० वर्षीया गिता कार्कीको मृत्यु भएको छ ।

दुर्घटनामा गम्भीर घाइते भएकी उनको जिल्ला अस्पताल उदयपुरमा उपचारको क्रममा मृत्यु भएको हो । साथै दुर्घटनामा घाइते भएका गाडीमा सवार १७ जनाको सोही अस्पतालमा उपचार भइरहेको छ ।

प्रहरीले हाल फरार चालकको खोजी गर्नुको साथै दुर्घटनाका सम्बन्धमा आवश्यक अनुसन्धान गरिरहेको छ ।