मृत अवस्थामा देशका विभिन्न स्थानबाट ११ जना फेला परेका छन् । गोरखा, गण्डकी गाउँपालिका-२ सिम्ले बस्ने ५० वर्षीया मिरा खनाल आफ्नै घरमा शुक्रबार मृत अवस्थामा फेला परेकी छिन् ।
त्यस्तै कैलाली, कैलारी गाउँपालिका-३ बस्ने २८ वर्षीया सिखा चौधरी सोही गाउँपालिका-३ स्थित सुर्मानाला खोलामा शुक्रबार मृत अवस्थामा फेला परेकी छिन् । यस्तै मोरङ, उर्लाबारी नगरपालिका-८ गगंटेस्थित प्लटिङको बाटोमा सोही नगरपालिका-८ सरस्वती टोल बस्ने ५६ वर्षीय बुद्विलाल टुडु शुक्रबार मृत अवस्थामा फेला परेका छन् ।
उता सुनसरी, धरान उपमहानगरपालिका-१३ कामना मार्ग बस्ने २३ वर्षीया शोभा दर्जी आफ्नै घरमा शुक्रबार मृत अवस्थामा फेला परेकी छिन् ।यता झापा, अर्जुनधारा नगरपालिका-८ शनिश्चरे बस्ने ४६ वर्षीय भरत महतो सोही ठाउँस्थित खेतमा, मेचिनगर नगरपालिका-१० नवज्योती टोल बस्ने ५० वर्षीया गोमा कार्की आफ्नै घर नजिक खाली जग्गामा र गौरादह नगरपालिका-४ मैदानघोपा बस्ने ३३ वर्षीया बालिका बर्देवा आफ्नै घर नजिकै बिहीबार मृत अवस्थामा फेला परेका छन् ।
यसैगरी पाल्पा, रैनादेबी छहरा गाउँपालिका-७ खड्केनिपोखरा बस्ने ४५ वर्षीया ज्ञान कुमारी सारू आफ्नै घरमा बिहीबार मृत अवस्थामा फेला परेकी छिन् । त्यसैगरी सिन्धुपाल्चोक, मेलम्ची नगरपालिका-९ देउराली बस्ने ८० वर्षीया कृष्ण कुमारी गिरी आफ्नै घरमा बिहीबार मृत अवस्थामा फेला परेकी छिन् ।
यस्तै धादिङ, थाक्रे गाउँपालिका-१० जुँगेखोला बस्ने ६९ वर्षीय भिम बहादुर तामाङ सोही गाउँपालिका-७ सातकिल्लास्थित महेशखोलामा गएराति मृत अवस्थामा फेला परेका छन् । बिहीबार दिउँसो सोही खोलास्थित पानी घट्ट चलाउन गएका उनी घर फर्की नआएको भन्ने खबर प्राप्त हुनासाथ प्रहरी चौकी महादेववेशी र इलाका प्रहरी कार्यालय खानिखोलाबाट खटिएको प्रहरीले स्थानीयको सहयोगमा खोजी गर्ने क्रममा शव फेला परेको हो ।
यता काठमाडौं, महानगरपालिका-१५ स्वयम्भू चण्डाल चोकस्थित सडक किनारमा हाल नाम, थर, वतन नखुलेका अन्दाजी ६५ वर्षीय पुरूष बिहीबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
