नवकान्तिपुर संवाददाता
काठमाडौं, ८ भदौ ।
मृत अवस्थामा देशका विभिन्न स्थानबाट तीन जना फेला परेको छ । झापा, गौरीगंज गाउँपालिका-३ कृपा टोल बस्ने ७० वर्षीय दयालाल सरबरीया सोही ठाउँस्थित खाली जग्गामा शनिबार मृत अवस्थामा फेला परेका छन् ।
त्यस्तै सुर्खेत, लेकवेशी नगरपालिका-१ रातामाटे बस्ने ६२ वर्षीय खडक बहादुर सुनार सोही ठाउँस्थित जनचेतना सामुदायिक जंगलमा शनिबार मृत अवस्थामा फेला परेका छन् ।
यस्तै बाँके, नेपालगंज उपमहानगरपालिका-११ त्रिभुवन चोक नजिकै रहेको शिव मन्दिर बाहिर हाल नाम, थर, वतन नखुलेका अन्दाजी ४५ वर्षीय पुरूष शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
