मृत अवस्थामा देशका विभिन्न स्थानबाट छ जना फेला परेका छन् । स्याङजा, भिरकोट नगरपालिका-७ हेलुस्थित शिवालय मन्दिरको प्राङगणमा सोही नगरपालिका-६ माझीगाउँ बस्ने १९ वर्षीय राजेन्द्र माझी शुक्रबार मृत अवस्थामा फेला परेका छन् ।

त्यस्तै सर्लाही, ब्रहम्पुरी गाउँपालिका-४ सेख टोल नजिकै झिम खोलामा भारत सितामढी ग्राम पंचायत सोनवर्षा-९ बस्ने ४८ वर्षीय ईन्दल महतो शुक्रबार मृत अवस्थामा फेला परेका छन् । यस्तै गुल्मी, मुसिकोट नगरपालिका-४ दिगामचौरस्थित बडिगार्ड खोलामा सोही नगरपालिका-१ बस्ने ८५ वर्षीया ढकल कुमारी घिमिरे बिहीबार मृत अवस्थामा फेला परेकी छिन् ।

उता बर्दिया, गुलरिया नगरपालिका-३ भगवती टोल बस्ने श्याम नारायण यादवकी छोरी ४ वर्षीया दिक्षा यादव सोही ठाउँस्थित पोखरीमा बिहीबार मृत अवस्थामा फेला परेकी छिन् । यता नवलपरासी पूर्व, बिनयी त्रिबेणी गाउँपालिका-७ स्थित नेपाली नहरमा हाल नाम, थर, वतन नखुलेकी महिला बिहीबार मृत अवस्थामा फेला परेकी छिन् ।

यसैगरी कैलाली, लम्कीचुहा नगरपालिका-३ गोराङ्गेस्थित कर्णाली नदीको भंगालोमा हाल नाम, थर, वतन नखुलेकी अन्दाजी १२ वर्षीया बालिका बिहीबार मृत अवस्थामा फेला परेकी छिन् । यस सम्बन्धमा प्रहरीले थप अनुसन्धान गरिरहेको छ ।