देशका विभिन्न स्थानबाट मृत अवस्थामा चार जना फेला परेका छन् । कैलाली, धनगढी उपमहानगरपालिका-१८ डिपो बजार बस्ने ४५ वर्षीया सरिता पौडेल सोही ठाउँस्थित नालामा बुधबार मृत अवस्थामा फेला परेकी छिन् ।

त्यस्तै चितवन, भरतपुर महानगरपालिका-७ कटहर चोक बस्ने ५३ वर्षीया दिलमाया थापा सोही महानगरपालिका-२६ भगडिस्थित नारायणी नदीमा बुधबार मृत अवस्थामा फेला परेकी छिन् ।

यस्तै मोरङ, रतुवामाई नगरपालिका-१० ताम्राङे टोलस्थित कट्नु खोलामा सोही ठाउँ बस्ने ३८ वर्षीय बखत बहादुर मगर बिहीबार मृत अवस्थामा फेला परेका छन् । उता नवलपरासी पूर्व, गैंडाकोट नगरपालिका-७ काभ्रेघाटस्थित नारायणी नदीमा हाल नाम, थर, वतन नखुलेका अन्दाजी ६५ वर्षीय पुरूष बिहीबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।