नवकान्तिपुर संवाददाता
काठमाडौं, २८ कार्तिक ।
मृत अवस्थामा देशका विभिन्न स्थानबाट तीन जना फेला परेका छन् । मोरङ, पथरिशनिश्चरे नगरपालिका-१ रत्नचोक बस्ने ७१ वर्षीय जित बहादुर खड्का आफ्नै घर नजिकै बुधबार मृत अवस्थामा फेला परेका छन् ।
त्यस्तै पर्वत, मोदी गाउँपालिका-१ भुरुङदीस्थित मिडिल मोदी हाईड्रोपावरको ड्याममा कास्की अन्नपूर्ण गाउँपालिका-७ थुरकुना बस्ने ९२ वर्षीय दल बहादुर पुन मगर मंगलबार मृत अवस्थामा फेला परेका छन् ।
यस्तै पर्सा, वीरगंज महानगरपालिका-१६ बसपार्क चालिसफिटेस्थित सडक पेटीमा हाल नाम, थर वतन नखुलेका अन्दाजी ३५ वर्षीय पुरूष मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
