मृत अवस्थामा देशका विभिन्न स्थानबाट सात जना फेला परेका छन् । बाजुरा, बुढीगंगा नगरपालिका-८ देउलीसैनस्थित रामकाट्या खोलामा सोही नगरपालिका-९ थापाबाडा बस्ने ५३ वर्षीय दल बहादुर थापा शुक्रबार मृत अवस्थामा फेला परेका छन् ।

त्यस्तै कैलाली, गौरीगंगा नगरपालिका-३ झिलस्थित पानी जमेको खाल्डोमा सोही नगरपालिका-३ वासुदेव बस्ने ६५ वर्षीय काले ढोली शुक्रबार मृत अवस्थामा फेला परेका छन् । यस्तै धादिङ, बेनिघाट रोराङ गाउँपालिका-५ चरौदी बस्ने विक्रम ठकुरीको घरको पिँढीमा हाल नाम, थर, वतन नखुलेका अन्दाजी ६५ वर्षीय पुरूष शुक्रबार मृत अवस्थामा फेला परेका छन् ।

यता ललितपुर, बागमती गाउँपालिका-४ प्युटारस्थित बागमती खोलामा हाल नाम, थर, वतन नखुलेकी अन्दाजी ६५ वर्षीया महिला शुक्रबार मत अवस्थामा फेला परेकी छिन् । उता पाल्पा, तिनाउ गाउँपालिका-६ मस्यामस्थित ढाक्रिपार भिरमा हाल नाम, थर, वतन नखुलेका अन्दाजी ३५ वर्षीय पुरूष शुक्रबार मृत अवस्थामा फेला परेका छन् ।

यसैगरी बाँके, नेपालगंज उपमहानगरपालिका-४ पुष्पलाल चोकस्थित होटल मकालुमा सुर्खेत बीरेन्द्रनगर नगरपालिका-५ बस्ने ४७ वर्षीय खड्क थापा शुक्रबार मृत अवस्थामा फेला परेका छन् । त्यस्तै संखुवासभा, खाँदबारी नगरपालिका-१ टुडिखेलस्थित चुङलुङ होटल एण्ड लजमा सल्यान बागचौर नगरपालिका-१ बस्ने ३४ वर्षीय एकराज चलाउने शुक्रबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।