नवकान्तिपुर संवाददाता
काठमाडौं, ११ पुस ।
देशका विभिन्न स्थानबाट मृत अवस्थामा तीन जना फेला परेका छन् । काठमाडौं महानगरपालिका-१० देवीनगरमा हाल नाम, थर, वतन नखुलेकी अन्दाजी ४६ वर्षीया महिला बिहीबार मृत अवस्थामा फेला परेकी छिन् ।
त्यस्तै कञ्चनपुर, भिमदत्त नगरपालिका-९ माथिल्लो खल्ला मसट्टीस्थित महाकाली नदी छेउमा डडेल्धुरा पर्शुराम नगरपालिका-७ ठेगाना भएका ३२ वर्षीय तिर्थ राज धानुक बुधबार मृत अवस्थामा फेला परेका छन् ।
यस्तै रामेछाप, उमाकुण्ड गाउँपालिका-२ ढडेनी सिरान भीरस्थित खोल्सामा सोही गाउँपालिका-२ ढडेनी सिरान बस्ने २९ वर्षीय दिल बहादुर पाण्डे बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
