अन्तर्राष्ट्रिय बजारमा मूल्य बढेसँगै आज स्थानीय बजारमा पनि सुनचाँदीको मूल्य बढेको छ । सुन प्रतितोला रू चौध सय र चाँदी प्रतितोला रू २० बढेको हो ।

मंगलबार प्रतितोला रू एक लाख ५९ हजार दुई सयमा कारोबार भएको सुन आज प्रतितोला रू एक लाख ६० हजार छ सय कायम भएको नेपाल सुनचाँदी व्यवसायी महासङ्घले जनाएको छ ।

त्यस्तै आज मंगलबारको तुलनामा चाँदीको मूल्य प्रतितोला रू २० ले बढेर रू एक हजार आठ सय ५५ तोकिएकोे छ । चाँदी अघिल्लो दिन प्रतितोला रू एक हजार आठ सय ३५ मा किनबेच भएको थियो ।