नवकान्तिपुर संवाददाता
काठमाडौं, १८ माघ ।
मृत अवस्थामा देशका विभिन्न स्थानबाट तीन जना फेला परेका छन् । नवलपरासी पूर्व, गैंडाकोट नगरपालिका-५ बिजयचोकस्थित सडकमा हाल नाम, थर, वतन नखुलेका अन्दाजी ४० वर्षीय पुरूष शुक्रबार मृत अवस्थामा फेला परेका छन् ।
यता काठमाडौं महानगरपालिका-३ महाराजगञ्जस्थित देवलाल श्रेष्ठको जग्गामा रहेको टहरामा हाल वतन नखुलेकी ४५ वर्षीया रिता खड्का बिहीबार मृत अवस्थामा फेला परेकी छिन् ।
त्यस्तै पाँचथर, फिदिम नगरपालिका-२ बैरङ्गीस्थित अलैंची बारीमा हाल नाम, थर, वतन नखुलेका अन्दाजी ६० वर्षीय पुरूष बिहीबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
