अन्तरराष्ट्रिय बजारमा सुनको मूल्य सामान्य घटेको छ । त्यसको प्रभाव स्थानीय बजारमा पनि परेको छ । शुक्रबारको तुलनामा आज एक तोला सुनको मूल्य रु सात सयले घटेको हो ।

यता चाँदीको मूल्य पनि रु ५ ले घटेको छ । नेपाल सुनचाँदी व्यवसायी महासङ्घका अनुसार आज एक तोला सुनको मूल्य रु एक लाख ९५ हजार ५०० कायम भएको छ । शुक्रबार सुनको मूल्य तोलामा एक लाख ९६ हजार २०० रुपैयाँ कायम भएको थियो ।

आज चाँदी भने प्रतितोला रु दुई हजार ३१० मा कारोबार भइरहेको छ । शुक्रबार चाँदीको मूल्य दुई हजार ३१५ मा कारोबार भएको महासंघले जनाएको छ ।