सुर्खेत निर्वाचन क्षेत्र नं १ मा नेपाली कांग्रेसका विष्णुबहादुर खड्काले अग्रता कायम गर्नुभएको छ । छ हजार २५९ मत गणना गर्दा खड्काले दुई हजार ५१० मत मत प्राप्त गर्नुभएको छ ।

त्यसैगरी, नेकपा एमालेका ध्रुवकुमार शाहीले एक हजार ६५४, राष्ट्रिय स्वतन्त्र पार्टीका टेकबहादुर सिंहले एक हजार ४४२ र नेपाली कम्युनिष्ट पार्टीका जीतबहादुर रानाले २५४ मत प्राप्त गर्नुभएको भएको निर्वाचन अधिकृत कैलाशप्रसाद भट्टराईले जानकारी दिनुभयो ।

उक्त निर्वाचन क्षेत्रमा १३ दलका प्रत्यासी छन् । एक लाख २२ हजार ९०२ मतदाता सङ्ख्या रहेको यो क्षेत्रमा ७० हजार १६७ मत खसेको थियो ।