काठमाण्डौ – सरकारले कर्मचारी र शिक्षकको नयाँ तलबस्केल सार्वजनिक गरेको छ । अर्थ मन्त्रालयले मुख्य सचिवदेखि सरकारी कार्यालयमा काम गर्ने कर्मचारी तथा सबै तहका शिक्षकले पाउने नयाँ तलबस्केल सार्वजनिक गरेको हो ।
बजेटमा व्यवस्था भएअनुसार कर्मचारी र शिक्षकको नयाँ तलबमान बिहीबार बसेको मन्त्रिपरिषद बैठकले निर्धारण गरेको हो । मन्त्रिपरिषदले गरेको निर्णय सार्वजनिक भएपछि अर्थ मन्त्रालयले आइतबार कर्मचारी र शिक्षकको नयाँ तलबस्केल सार्वजनिक गरेको छ ।
नयाँ तलबमान अनुसार मुख्यसचिवको तलब ६९ हजार ४ सय ८२ र कार्यालय सहयोगी प्रथम स्तरको तलब २० हजार ७ सय ७८ रुपैयाँ तोकिएको छ । कर्मचारी र शिक्षकले बढेको तलब यही साउन महिनादेखि नै पाउनेछन् ।
