राजधानीको बानेश्वरमा रहेको प्रेसिडेन्सियल विजनेश स्कुलले आफ्नो स्थापनाको चौथो दीक्षान्त समारोह सम्पन्न गरेकोे छ । राजधानीको याक एण्ड यती होटलमा भएको दीक्षान्त समारोहमा उपराष्ट्रपति नन्द किशोर पुन पासाङले दीक्षित विद्यार्थीहरूलाई प्रमाणपत्र हस्तान्तरण गरेका थिए ।

एमबीए र बीबीए उत्तीर्ण भएकाका विद्यार्थीहरूलाई कलेजले दीक्षान्त समारोहको आयोजना गरी दीक्षीत गरेको हो ।

कार्याक्रममा धावक मीरा राईलाई मानार्थ विद्यावारिधिले सम्मान गरिएको थियो । दीक्षान्त समारोहमा बोल्दै सम्मानित भएकी राईले जुनसुकै क्षेत्रमा रहेर पनि कुशलतापूर्वक काम गरेमा सफलता हात लाग्ने कुरा बताइन् । एउटा काममा असफल हुँदैमा हरेस खान नहुने उनको भनाइ थियो ।