नेत्रविक्रम चन्द ‘विप्लव’ का छोरा प्रकाश चन्दलाई प्रहरीले चितवनमा पक्राउ गरेको छ। सरकारले प्रतिबन्ध लगाएको नेपाल कम्युनिस्ट पार्टीका महासचिव विप्लवका छोरा प्रकाशलाई प्रहरीले चितवनमा पक्राउ गरेको हो।
उनलाई चितवन मेडिकल कलेजबाट पक्राउ गरिएको जिल्ला प्रहरी कार्यालय चितवनले जनाएको छ।
चितवन मेडिकल कलेजका विद्यार्थी केही दिनदेखि विभिन्न माग राखी आन्दोलनमा छन् जसको अगुवाइ प्रकाश चन्दले गरिरहेका थिए।
उनीसहित आन्दोलनमा उत्रिएका अन्य केही विद्यार्थीलाई पनि प्रहरील पक्राउ गरेको छ।
अस्पतालभित्र पसेर सेवा प्रवाहमा अवरोध खडा गर्ने र तोडफोड गर्न खोजेपछि उनीहरुलाई पक्राउ गरिएको प्रहरीले जानकारी दिएको छ ।
