म्याग्दीको बेनी नगरपालिका–२ बगरफाँटस्थित कोत खोलामा आएको बाढीले बगाउँदा दुई जना बेपत्ता भएका छन् । गएराति आएको बाढीमा परी स्थानीय १० वर्षीय शर्मीला परियार र ६ वर्षीय अनिष्का परियार बेपत्ता भएको प्रहरी जनाएको छ । २ बालिका नै बगाएपछि यतिबेला बगरफाँट शोकमा डुबेको छ ।
कोतखोलामा आएको बाढीले बुद्ध एकेडमीको पाँचवटा भवन पूर्णरुपमा क्षति पुगेको छ । त्यस्तै स्थानीय माया परियार, पार्वती परियार, रेशम जुग्जाली र सेत परियारको घरमा क्षति पुगेको म्याग्दीका प्रहरी निरीक्षक ध्रुवप्रसाद शर्माले जानकारी दिए ।
अहिले घटनास्थलमा नेपाल प्रहरी, नेपाली सेना, सशस्त्र प्रहरी र स्थानीयले उद्दार कार्य जारी राखेको प्रहरी निरीक्षक शर्माले जानकारी दिए । बाढीमा बेपत्ता भएका दुई जनाको खोजी जारी रहेको प्रहरीले जनाएको छ ।
