पूर्वयुवराज पारस शाहका पछिल्ला गतिविधिहरूले सामाजिक सञ्जालका भित्ताहरू रङ्गिएका छन् भने नेपाली जनमानसमा उनी पुनः चर्चाको विषय बनेका छन् । विवादित युट्युबर सोनिका रोकायसँगको निकटताका कारण उनी चर्चाको शिखरमा पुगेका हुन् ।

कुनै न कुनै रूपमा पारस चर्चाको शिखरमा हुने गर्छन् । पहिला पनि उनी आफ्नो चरित्र र भूमिकाका कारण पटक पटक चर्चाको विषय बनिरहन्थे । सक्रिय राजतन्त्रको अन्त्यसँगै उनी लामो समय थाइल्याण्डमा गएर बसे । परिवारबाट टाढा थाइल्याण्डको बसाइका क्रममा पनि उनी कनिका चैयर्सनसँगको निकटता र प्रेमसम्बन्धका कारण सञ्चारमाध्यमहरूमा छाइरहे । थाइल्याण्डको बसाइका क्रममा उनी लागू औषधिसहित पक्राउ पनि परेका थिए ।

पछिल्लो समय सोनिका रोकायसँग उनको निकटता बढेको सञ्चारमाध्यमहरूमा प्रकाशित सोनिकासँगका रङ्गिन फोटाहरूले देखाउँछ ।

सोनिकासँगको बढ्दो निकटता र गतिविधिले पूर्वयुवराजको गरिमालाई मात्र घटाएको छैन, उनको परिवार, पत्नी हिमानी शाह, छोरा–छोराछोरीलगायत शुभ चिन्तकहरूलाई समेत दुःखी तुल्याएको छ । पारसको विवादास्पद चरित्रले राजतन्त्रविरोधीहरूलाई विरोधका लागि थप विषय बनाइदिएको छ भने राजतन्त्रका पक्षपातीहरूलाई भने क्षुब्ध पारिदिएको छ ।

https://www.facebook.com/khadkaravindra/videos/10218047613095601/