खोटाङमा आज बिहान भएको बस दुर्घटनामा १३ जना घाइते भएका छन् । घाइतेमध्ये दुई जनाको अवस्था गम्भीर छ ।
सदरमुकाम दिक्तेलबाट विराटनगर जाँदै गरेको को १ ख ६३२० नम्बरको बस बुधबार बिहान दुर्घटना भएको हो ।
खोटाङको हलेसी चुवाचुङ नगरपालिका– १० कामिडाँडामा बस दुर्घटना भएको हो ।
घाइते सबैलाई उपचारका लागि जिल्ला अस्पताल दिक्तेलमा लगिएको छ । घाइतेहरुको परिचय र दुर्घटनाको कारण नखुलेको जिल्ला प्रहरी कार्यालय खोटाङले जनाएको छ ।
