झापाको हल्दिवारी गाउँपालिका– ५ स्थित कन्चनश्री बजारमा शनिबार दिउँसो ३.३० तिर आगलागी हुँदा स्थानीय मायानाथ पोख्रेलको घर जलेर नष्ट भएको छ । जलथल प्रहरी प्रमुख असइ भरत कोइरालाका अनुसार पोख्रेलको घरसहित ३० लाख बराबरको क्षति भएको छ भने एउटा गाईको बाछोसमेत जलेर मरेको छ ।
आगजनी पीडित पोख्रेलले दिएको जानकारी अनुसार घरका सबै परिवार धान काट्न गएको बेला कसरी आगजनी हुन पुग्यो थाहा हुन सकेन । आगजनी बाट नगद ३ लाख ४ तोला सुन २० तोला चादी लगायत सबै नस्ट भएको छ ।
आगजनी नियन्त्रण गर्न भद्रपुरबाट आएको दमकल, प्रहरी र स्थानीयबासीहरूले सहयोग पुर्याएका थिए । घटनास्थल पुगेका हल्दिवारी गाउँपालिका अध्यक्ष रवीन्द्रप्रसाद लिङ्गदेनले तत्काल गाउँपालिकाबाट राहत सहयोग गर्ने बताए ।
