प्रहरीले ‘अघोरी बाबा’का नामले परिचित विजय केसीकी नवविवाहित श्रीमतीलाई पक्राउ गरेको छ।
सामाजिक सञ्जालमा अघोरी बाबाका नामले चर्चित रहेका केसीकी नवविवाहित श्रीमती शारदा पाण्डेलाई ठगीको आरोपमा पक्राउ गरेको हो।
महानगरीय प्रहरी वृत्त बौद्धका डीएसपी रमेशबहादुर सिंहले पाण्डेलाई पक्राउ गरेको बताए। उनले पक्राउ परेकी पाण्डेले आफ्नै श्रीमानलाई दाजु हो भन्दै चितवाकी एक युवतीको विवाह गराइदिएको र पछि विभिन्न बहानामा ऊसँग रकमको वार्गेनिङ गर्ने गरेको बताए।
युवतीको उजुरीपछि प्रहरीले पाण्डेलाई पक्राउ गरेको डीएसपी सिंहले बताए। उनले पाण्डेमाथि अहिले सोधपुछ भइरहेको र प्रहरीले घटनाको थप अनुसन्धान गरिरहेको बताए।
