१३ औं दक्षिण एसियाली खेलकुद साग (साग) अन्तरगत साइक्लिङमा नेपालले दुई स्वर्ण जितेको छ ।
बुधबार भएको साइक्लिङको डाउन हिलमा पुरुषतर्फ राजेश मगर र महिला तर्फ निश्मा श्रेष्ठले जितेका हुन् । गोकर्णमा भइरहेको साइक्लिङमा नेपालले २ स्वर्ण जितेसँगै नेपालको स्वर्णको संख्या २७ पुगेको छ ।
डाउनहिलमा रजत र कास्य पनि नेपालले नै जितेको छ । जसमा पुरुष तर्फ रजत निर्भ श्रेष्ठले जितेका छने भने कास्य प्रजित थापाले जितेका छन् । यस्तै, महिलातर्फको डाउनहिलमा रजत जमुना थापाले जितेकी छन् । कास्य यशोधराले जितेकी छन् ।
