नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ को आज जन्मदिन परेको छ र जन्मदिनको अवसरमा नेकपाका नेता कार्यकर्ता र अन्य दलका नेताले बधाइ तथा शुभकामना दिएका छन् ।
अध्यक्ष प्रचण्डलाई सामाजिक सञ्जाल मार्फत नेकपाका नेता एवम् युद्धकालीन सहकर्मीहरु, परिवारजन, आफन्तजनले शुभकामना दिएका हुन् ।
प्रचण्ड आजबाट ६६ वर्षमा प्रवेश गरेका छन् । त्यस्तै समाजवादी पार्टी नेपालका अध्यक्षसमेत रहेका र प्रचण्डसँग लामो सहकार्य गरेका डा बाबुराम भट्टराइले ‘प्रचण्ड’को तस्वीर हिजो साँझ राख्दै सांकेतिक रूपमा जन्मदिनको शुभकामना दिएका छन् । भट्टराईले जनयुद्धकालमा गरिब जनतासँग आफू र प्रचण्ड उपस्थित तस्विर आफ्नो फेसबुकमा राखेका छन् । ‘जनयुद्धकालमा गाउँले जनतासँग प्रचण्ड र म’ स्टाटस लेख्दै उनले फेसबुकमा जनयुद्धकालीन तस्विर सेयर गरेका हुन् ।
प्रचण्डको नेतृत्वमा १० वर्ष चलेको सशस्त्र संघर्षको बेला डा. भट्टराई उनका मुख्य सहयोगी र तत्कालिन नेकपा माओवादीका मुख्य नेता थिए ।
https://www.facebook.com/DrBaburamBhattarai/posts/1763902617080574
