नेपाली कांग्रेसको पदाधिकारी बैठक आज बस्दैछ । पुष २० गते राष्ट्रिय सभाका उमेदवारको उमेदवारी दर्ता गर्नुपर्ने भएकोले उमेदवारको टुंगो लगाउने विषयमा छलफल गर्न कांग्रेसको पदाधिकारी बैठक बस्न लागेको हो । बैठक बेलुका ५ बजे पार्टी सभापति शेरबहादुर देउवा निवास बूढानिलकण्ठमा बस्नेछ ।
पार्टीका प्रवक्ता विश्वप्रकाश शर्माले बैठकले राष्ट्रिय सभाका उमेदवारको टुंगो लगाउने विषयमा छलफल हुने बताए । साथै बैठकले पार्टीमा थप हार्दिकता बढाउने उनको विश्वास रहेको छ ।
यसअघि लामो समयदेखि पार्टीमा असन्तुष्टि बढेपछि वरिष्ठ नेता रामचन्द्र पौडेल समूहले केन्द्रीय कार्यसमिति बैठक बहिष्कार गर्दै आएका थिए ।
