शहिद स्मारक ए डिभिजन लिग अन्तर्गत मछिन्द्र क्लब शिर्ष स्थानमा उक्लिएको छ । सोमबार दशरथ रंगशालामा सम्पन्न खेलमा मछिन्द्रले थ्रीस्टार क्लबलाई २-० गोल अन्तरले पराजित गर्दै लिगको शिर्ष स्थानमा उक्लिएको हो ।

मछिन्द्रको जितमा रेजिन सुब्बा र बिशाल राईले एक एक गोल गरेका थिए । रेजिनले खेलको ३८ औ मिनेटमा गोल गरेका थिए भने बिशालले खेलको ९०औ मिनेटमा गोल गरेका थिए ।

यो जितपछि मछिन्द्र ९ खेलमा १९ अंक हासिल गर्दै लिगको शिर्ष स्थानमा उक्लिएको छ । मछिन्द्र भन्दा एक खेल कम खेलको आर्मी क्लब १७ अंकसहित दोस्रो स्थानमा रहेको छ ।

त्यस्तै आज पराजित भएको थ्रीस्टारको ९ खेलमा १४ अंक रहेको छ भने लिगको चौथो स्थानमा रहेको छ ।