स्पेनिस ला लिगा अन्तर्गत बार्सिलोनाले रियल बेटिसलाई पराजित गरेको छ । गएराती सम्पन्न खेलमा बार्सिलोनाले रियल बेटिस ३-२ गोल अन्तरले पराजित गरेको हो ।
बार्सिलोनाको जितमा फ्रेंकी डि जोंग, सर्जियो बस्क्वेट र क्लेमेन्ट लेंगीएटले एक एक गोल गरेका थिए । बार्सिलोनाका लागि तिनै गोल लियोनेल मेसीले असिस्ट गरेका थिए ।
मेसीले यस सिजनमा ला लिगामा यो सहित १० गोल असिस्ट गरेका छन् ।
त्यस्तै रियल बेटिसका लागि सर्जियो कनालेज र नाबिल फेकिरले एक एक गोल गरेका थिए ।
यस खेलमा दुवै टिमका एक एक जना खेलाडीले रातो कार्ड पाउदा दुवै टिम १० खेलाडीमा सिमित भएका थिए ।
बेटिसका नबिल फेकिर खेलको ७६औ मिनेटमा र बार्सिलोनाका क्लेमेन्ट लेंगीएट खेलको ७९ औ मिनेटमा रातो कार्ड खाँदै बाहिरिएका थिए ।
यो जितपछि बार्सिलोना २३ खेलमा ४९ अंकसहित दोस्रो स्थानमा रहेको छ भने शिर्ष स्थानमा रहेको रियल म्याड्रिडको बने २३ खेलमा ५२ अंक रहेको छ ।
त्यस्तै रियल बेटिसको भने २३ खेलमा २८ अंक छ भने लिगमा १३ औ स्थानमा रहेको छ ।
