एकीकृत नयाँ पार्टीको दर्ताका लागि निर्वाचन आयोगमा बिहीबार निवेदन दिएको जनता समाजवादी पार्टीका नेताले एकीकरणको काम लकडाउन सकिए लगत्तै पूरा गर्ने बताएका छन् । दल दर्ताका लागि निर्वाचन आयोग पुगेका राष्ट्रिय जनता पार्टी ९राजपा० का नेता राजेन्द्र महतोले पत्रकारलाई प्रतिक्रिया दिँदै लकडाउन सकिएपछि एकताको बाँकी प्रक्रिया पूरा गर्ने बताएका हुन् ।
कोरोना भाइरसको महामारीको अवस्थामा हालको प्राथमिकता संक्रमणबाट जोगिने रहेको बताएका नेता महतोले भने, ‘नागरिकको जीवन रक्षा पहिलो प्राथमिकता हो । लकडाउनपछि एकताको बाँकी प्रक्रिया पूरा गर्ने छौँ ।’
बुधबार अबेर राति राष्ट्रिय जनता पार्टी (राजपा) र समाजवादी पार्टी एकता गर्ने सहमति भएको थियो । दुवै पार्टीबिच सम्माजनक रुपमा पार्टी एकता गर्ने सहमति भएको नेता महतोले बताए ।
नेता महतोले पार्टी नफुट्ने दाबी गर्दै भने, ‘राजपा र समाजवादीमा फुटको कुनै सम्भावना छैन । हामीले सम्मानजनक एकता गरेका छौँ ।’
