जरायोको सुकुटी खान फेसबुक मार्फत निम्ता दिने एक व्यक्तिलाई वन कार्यालयले पक्राउ गरेको छ । गढवा गाउँपालिका वडा नम्बर ६ निवासी ३५ वर्षीय शिवराज पुनलाई डिभिजन वन कार्यालयल देउखुरीले पक्राउ गरेको हो ।
पुनले बिहीबार फेसबुकमा ‘लकडाउनको सदुपयोग गरौँ, मेरो घरमा जरायोको सुकुटी खान आउनुस् स्वागत छ’ भनेर स्ट्याटस लेखेका थिए । फेसवुक स्ट्याटसको बारेमा डिभिजन वन कार्यालय देउखुरीमा सूचना पुगेपपछि पुनलाई पक्राउ गरेर अनुसन्धान थालिएको डिभिजन वन प्रमुख प्रविण बिडारीले जानकारी दिए ।
राष्ट्रीय निकुञ्ज तथा वन्यजन्तु संरक्षण ऐन अनुसार कानुनी कारबाहीको प्रकृया अघि बढाइएको उनले बताए । पक्राउ परेपछि पुनले फेसबुक स्टाटस डिलिट गरेका छन् ।
