आज साँझ थप ९ जनामा कोरोना संक्रमण पुष्टि भएको छ । यो सँगै नेपालमा कोरोना संक्रमितको संख्या २६७ पुगेको छ । स्वास्थ्य तथा जनसंख्या मन्त्रालयले अध्यावधिक विवरण जारी गर्दै आज साँझ थप ९ जनामा कोरोना संक्रमण पुष्टि भएको जानकारी दिएको हो ।

यसअघि आज बिहान पनि थप ९ जनामा कोरोना संक्रमण पुष्टि भएको थियो । नयाँ संक्रमितहरु दाङ, तुलसिपुर र उदयपुरका रहेका छन् । संक्रमितमध्ये ३६ जना उपचारपछि घर फर्किएका छन् ।