काभ्रेको भुम्लु गाउँपालिका–८, सिलामे भीरमा बोलेरो जिप दुर्घटना हुँदा दुई जना बेपत्ता भएका छन् । दोलालघाटबाट चौरीदेउरालीका लागि छुटेको बोलेर उकालोमा ब्रेक फेल भएर पछाडि सर्न थालेपछि हामफालेका व्यक्ति बेपत्ता भएका हुन् ।

काभ्रेका प्रहरी प्रमुख एसपी रवि पौडेलका अनुसार, खाद्यान्न लिएर गएको बोलेरोमा तीन जना यात्रु थिए । तीमध्ये दुई जना मात्र हामफालेका थिए । बोलेरोभित्रै बसेकी महिलाको अवस्था सामान्य छ ।

पौडेलका अनुसार केही तल पुगेर बोलेरो रोकिएको थियो । हामफाल्ने दुई जना भने सुनकोशी नदीमा बेपत्ता भएका छन् । उनीहरुको खोजी कार्य जारी रहेको प्रहरी प्रमुख  पौडेलले बताए ।