कोरोना भाइरस नियन्त्रको लागि खटिएका प्रहरी नै कोरोना संक्रमित हुने क्रम बढेको छ । आइतबार मात्रै ४ जना प्रहरीमा कोरोना पुष्टि भएको छ । यो सँगै कोरोना संक्रमित प्रहरीको संख्या ९ पुगेको छ । आइतबार जिल्ला प्रहरी कार्यालय बाराका ४ जना प्रहरीमा कोरोना पुष्टि भएको हो ।

यसअघि बुधबार कालिमाटी प्रहरी वृत्तका २ जना प्रहरीमा कोरोना पुष्टि भएको थियो । कालिमाटीका अन्य २ सय ३१ जना प्रहरीको आज कोरोना परीक्षणको लागि नमुना संकलन भएको छ ।

हालसम्म नेपाल प्रहरी, नेपाली सेना र सशस्त्र प्रहरी गरेर १६ जना सुरक्षाकर्मीमा कोरोना पुष्टि भएको छ ।