नेपालमा थप २ सय २६ जनामा कोरोना संक्रमण पुष्टि भएको छ । स्वास्थ्य मन्त्रालयका प्रवक्ता डा विकास देवकोटाले नियमित लाइभ अपडेट मार्फत नेपालमा थप २२६ जनामा कोरोना संक्रमण पुष्टि भएको जानकारी दिए ।

डा. देवकोटाका अनुसार नयाँ थपिएका संक्रमित मध्ये २१३ जना पुरुष र १३ जना महिला रहेका छन् । योसँगै नेपालमा संक्रमित संख्या १ हजार ७९३ पुगेको छ।

नेपालमा पछिल्लो केही दिनमा संक्रमितको संख्या तीव्र गतिमा बढीरहेको छ । दिनहुँ १५० भन्दा बढी व्यक्तिहरु संक्रमित भएको समाचार आइरहेका छन् । तसर्थ सरकारले थप सतर्कता अपनाउनु आवश्यक छ ।