देशभरका विभिन्न स्वास्थ्य प्रयोगशालामा गरिएको पछिल्लो परीक्षणमा थप ३३४ जनामा कोरोना संक्रमण पुष्टि भएको छ । पछिल्लो २४ घण्टामा थप ३३४ जनामा कोरोना संक्रमणको पुष्टि भएको स्वास्थ्य तथा जनसङ्ख्या मन्त्रालयका प्रवक्ता डा विकास देवकोटाले जानकारी दिए । सोमध्ये ३१९ पुरुष र १५ महिला रहेका छन् ।
योसँगै नेपालमा कोरोना संक्रमितको सङ्ख्या जम्मा दुई हजार ६३४ पुगेको छ । जसमा दुई हजार ४५० पुरुष र १८४ जना महिला छन् । कोरोना संक्रमित जिल्लाको सङ्ख्या भने ६५ पुगेको छ । त्यसैगरी कोरोना भाइरसलाई जितेर आज मात्रै १२ जना घर फर्किएका छन् । यससैँगै निको भएर घर फर्कनेको सङ्ख्या २९० पुगेको छ ।
त्यसैगरी कोरोना भाइरसको संक्रमणका कारण नेपालमा थप एक जना व्यक्तिको मृत्यु भएको छ । पाल्पाको पूर्वखोला गाँउपालिका सिलुवाका ४५ वर्षीय पुरुषको कोरोना संक्रमणबाट मृत्यु भएको पुष्टि भएको हो । पाल्पाकै स्थानीय क्वारेन्टिनमा बसेका उनी भारतबाट पाँच दिन अघि नेपाल आएका थिए ।
कुन जिल्लामा कति संक्रमित ?
