कोरोना भाइरसबाट विश्वमा १ करोड ५ लाख ८५ हजारभन्दा बढी संक्रमित भएका छन् । बुधवार बिहानसम्म ५ लाख १४ हजार जनाले कोरोना भाइरसको संक्रमणपछि ज्यान गुमाएका छन् । पछिल्लो २४ घण्टामा १ लाख ७३ हजार ४ सय २५ जना संक्रमित थपिएका छन् ।
विश्वमा सबैभन्दा बढी कोरोना संक्रमित संयुक्त राज्य अमेरिकामा देखिएका छन् । यो समाचार तयार पार्दासम्म अमेरिकामा २७ लाख २७ हजार ३ सय १६ मा कोरोना संक्रमण भएको पुष्टि भएको छ । अमेरिकामा पछिल्लो २४ घण्टामा ४५ हजार ५ सय जना नयाँ संक्रमित थपिएका छन् भने ७ सय ५३ जनाले ज्यान गुमाएका छन् । हालसम्म अमेरिकामा कोरोनाका कारण १ लाख ३० हजार जनाले ज्यान गुमाएका छन् भने ११ लाख ४१ हजार जना निको भएका छन् ।
अमेरिकापछि सबैभन्दा बढी संक्रमित हुने राष्ट्रमा ब्राजिल छ । ब्राजिलमा कोरोना संक्रमितको संख्या १४ लाख ८ हजार पुगेको छ । पछिल्लो २४ घण्टामा ३७ हजार ९ सय ९७ थपिएसँगै ब्राजिलमा संक्रमितको संख्या १४ लाख पुगेको हो । ब्राजिलमा पछिल्लो २४ घण्टामा १ हजार २ सय २७ जनाको कोरोना संक्रमणका कारण ज्यान गुमाएका छन् । हालसम्म ५९ हजार ६ सय ५६ जनाको मृत्यु भइसकेको छ । ब्राजिलमा ७ लाख ९० हजार ४० जनाको कोरोना संक्रमणपछि मृत्यु भएको छ ।
यो समाचार तयार पार्दासम्म रसियामा ६ लाख ४७ हजार जनामा कोरोना संक्रमण पुष्टि भएको छ । यस्तै ६ हजार ६ सय ९३ जना नयाँ संक्रमित थपिएका छन् । रसियामा हालसम्म ४ लाख १२ हजार जना निको भएर घर फर्किएका छन् भने ९ हजारभन्दा बढीको मृत्यु भएको छ ।
रसियापछि एसियाली मुलुक भारतमा कोरोना संक्रमितको संख्या बढी देखिएको छ । भारतमा हालसम्म ५ लाख ८५ हजार ७ सय ९२ जनामा कोरोना संक्रमणको पुष्टि भएको छ भने पछिल्लो २४ घण्टामा १८ हजार २ सय ५६ जनाले ज्यान गुमाएका छन् । हालसम्म भारतमा कोरोना भाइरस संक्रमितमध्ये ३ लाख ४७ हजार ८ सय ३६ जना निको भइसकेका छन् भने १७ हजारले ४ सय १० को मृत्यु भइसकेको छ ।
कोरोना भाइरसबाट विश्वका २ सय १५ देश प्रभावित भएका छन् । पछिल्लो २४ घण्टामा विश्वभरमा १ लाख ७३ हजार ४ सय २५ जनामा कोरोना संक्रमणको पुष्टि भएको छ । विश्वभरमा ५ हजार जनाले कोरोना संक्रमणपछि ज्यान गुमाएका छन् । युरोपेली मुलुकमध्ये रसिया र बेलायतमा कोरोना संक्रमितको संख्या बढी देखिएको छ । रसियापछि बेलायतमा बढी संक्रमित देखिएका छन् ।
बेलायतमा पछिल्लो २४ घण्टामा ६ सय ८९ जनामा कोरोना संक्रमण पुष्टि भएको छ । योसँगै बेलायतमा संक्रमितको संख्या ३ लाख १२ हजार ६ सय ५४ पुगेको छ । युरोपेली मुलुकमा २४ लाख ४२ जना। ३ सय ४० जनामा कोरोना संक्रमण पुष्टि भएको छ । यी मुलुकमा पछिल्लो २४ घण्टामा १२ हजार ५ सय थप संक्रमित पुष्टि भएका छन् भने ५ सय १३ जनाले ज्यान गुमाएका छन् ।
एसियाली मुलुकमा थप ४५ हजारमा कोरोनाको संक्रमण देखिएसँगै २३ लाख संक्रमित पुगेका छन् । पछिल्लो २४ घण्टामा ११ सय जनाले ज्यान गुमाएका छन् । कोरोना भाइरसको संक्रमणबाट दक्षिण अमेरिकामा २२ लाख ३७ हजार ४ सय ८८ जना संक्रमित भएका छन् । पछिल्लो २४ घण्टामा ५० हजारभन्दा बढी थपिएका छन् । यी मुलुकमा १ हजार ७ सयले पछिल्लो २४ घण्टामा ज्यान गुमाएका छन् ।
यस्तै युरोप अमेरिकामा पछिल्लो २४ घण्टामा ५३ हजार बढी संक्रमित थपिएका छन् । यी मुलुकमा हालसम्म ३१ लाख ७७ हजार ५ सय जना संक्रमित भएका छन् भने १ लाख ६९ हजार जनाले ज्यान गुमाएका छन् । अफ्रिकी मुलुकमा भने पछिल्लो २४ घण्टामा थप ११ हजार ६ सय जनामा कोरोना संक्रमण पुष्टि भएको छ । योसँगै यी मुलुकमा ४ लाख ७ हजार ९ सय जनामा कोरोना संक्रमित पुष्टि भएको छ ।
नेपालमा बुधवार बिहानसम्म कोरोना भाइरस संक्रमित १३ हजार ५ सय ६४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २९ जनामा कोरोना संक्रमणपछि ज्यान गुमाएका छन् भने ३ हजार १ सय ९४ जना निको भएर घर फर्किएका छन् ।
