प्रधानमन्त्री केपी शर्मा ओली र मन्त्रीहरुबीच छलफल सुरु भएको छ । प्रधानमन्त्रीको आमन्त्रणमा मन्त्री र राज्यमन्त्रीहरु बालुवाटार पुगेका थिए ।

यसअघि प्रधानमन्त्री ओली राष्ट्रपति विद्यादेवी भण्डारी भेट्न राष्ट्रपति भवन शीतलनिवास पुगेका थिए । त्यहाँबाट फर्किए लगत्तै बालुवाटारमा छलफल सुरु गरिएको हो ।

पछिल्लो समय नेपाल कम्युनिस्ट पार्टी (नेकपा) भित्र आन्तरिक विवाद चुलिएको छ । यसैबीच प्रधानमन्त्री केपी ओलीले राष्ट्रपतिसँगको भेटघाटलाई बाक्लो बनाउनु र मन्त्री तथा राज्यमन्त्रीहरुसँग छलफल गर्नुलाई अर्थपूर्ण हेरिएको छ ।