नवकान्तिपुर संवाददाता
काठमाडौं, २२ असार ।
नेपाली बजारमा सोमबार सुनको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार आइतबार तोलामा ९० हजार ५ सय रुपैयाँमा कारोबार भएको छापावाल सुनको मूल्य ९० हजार २०० रुपैयाँमा कारोबार भएको हो ।
यस्तै तेजावी सुन तोलामा ८९ हजार ७६० रुपैयाँमा कारोबार भएको छ । तर चाँदीको मूल्यमा भने स्थिरता छाएको छ ।
आइतवार प्रतितोला चाँदीको मूल्य ९ सय ४० रहेकोमा सोमवार पनि त्यही मूल्य कायम भइ कारोवार भइरहेको महासंघले जनाएको छ ।
