विश्वमा महामारीका रुपमा फैलिएको कोरोना भाइरसबाट २ करोड ४९ लाख ६ हजार ५०३ संक्रमित हुँदा १ करोड ७२ लाख ८५ हजार ९०७ जनाले कोरोनालाई जितेका छन् । सक्रिय संक्रमित ६१ हजार २८९ जनाको अवस्था गम्भीर रहेको छ । पछिल्लो २४ घण्टामा ५ हजार ६६७ जनाले ज्यान गुमाएका छन् । यससँगै कोरोनाबाट ज्यान गुमाउनेको संख्या ८ लाख ४१ हजार २९० पुगेको छ ।

चीनको वुहानबाट सुरु भएको कोरोनाको संक्रमण अहिले सबैभन्दा धेरै अमेरिकामा छ । अमेरिकामा ६० लाख ९४ हजार ५५७ जना मानिस संक्रमित हुँदा १ लाख ८५ हजार ८७३ जनाले ज्यान गुमाएका छन् । ३३ लाख ७१ हजार ५९२ जनाले कोरोनालाई जितेका छन् ।

नेपालमा भने ३६ हजार ४५६ जनामा संक्रमण पुष्टि भएकोमा १९५ जनाको निधन भैसकेको छ । २० हजार २४२ जना भने उपचारपछि निको भएका छन् ।