इक्वेडरका जुलियो सेजर र उनकी श्रीमती वाल्ड्रमिनाम्याक्लोविया क्विन्टेरोस संसारका सबैभन्दा धेरै उमेरका विवाहीत जोडी हुन् । ११२ वर्षका जुरियो र १०४ वर्षका वाल्ड्रमिनाले विवाह भएको ७९ वर्षगाँठ पुरा गरेका छन् ।

यो उपलब्धिका कारण उनीहरुको नाम गिनिज बुक अफ दि वर्ल्ड रेकर्डमा दर्ता भएको छ । उनीहरु दुबै पहिला शिक्षक थिए । अहिले भने रिटायर भएर उनीहरु आफ्नो घरमा समय बिताईरहेका छन् ।

१० मार्च १९०८ मा जन्मिएका जुलियो सेजर विश्वका सबैभन्दा वृद्ध व्यक्ति भएको रेकर्ड पनि गिनिज बुकमा लेखाईसकेका छन् । त्यस्तै १६ अक्टोबर १९१५ मा जन्मिएकी वाल्ड्रमिना अक्टोबरबाट १०५ वर्षकी लाग्दैछन् ।

उनीहरु दुबैको उमेर जोड्दा २१६ वर्ष ३५८ दिन पुग्छ । उनीहरुले सात वर्ष साथी बनेपछि विवाह गरेका थिए । उनीहरुका पाँच छोराछोरी र ११ नातिनातिनीहरु छन् ।