भक्तपुरको मध्यपुर ठिमी नगरपालिका– ९ निकोसेरामा एउटा घरमा ३ जनाको शव भेटिएको छ । प्रहरीका अनुसार एकाघरमा बाबु आमा र छोराको शव भेटिएको हो ।

उनीहरुको हत्या भएको आशंका गरिएपनि घटनाको विषयमा विस्तृत जानकारी आइनसकेको भक्तपुरका प्रहरी प्रवक्ता डीएसपी दीपक गिरीले जानकारी दिए ।

भक्तपुरका एसपी तारादेवी थापा र महानगरीय अपराध महाशाखाका प्रमुख एसएसपी दीपक थापा घटनास्थलमा गएका छन् । घटनाबारे तत्काल अनुषन्धान थालिने एसएसपी थापाले बताए ।