मौसम पूर्वानुमान महाशाखाले आजको मौसम पूर्वानुमान जारी गर्दै हाल वंगालको खाडीमा न्यून चापीय क्षेत्र रहेको बताएको छ। तयसकै प्रभावले आज देशभर आंशिकदेखि सामान्य बदली भइरहेको महाशाखाले जनाएको छ ।

आज दिउँसो प्रदेश नं १, प्रदेश नं २, बागमती प्रदेश, गण्डकी प्रदेश र प्रदेश नं ५ मा सामान्य बदली र बाँकी प्रदेशहरुमा आंशिक बदली रही प्रदेश नं १, बागमती प्रदेश, गण्डकी प्रदेश, प्रदेश नं ५ का थोरै स्थानहरूमा हल्का वर्षा र बाँकी प्रदेशका एक दुइ स्थानहरूमा हल्का बर्षाको सम्भावना रहेको छ ।

यस्तै, आज राति देशभर आंशिक देखि सामान्य बदली रही पहाडी क्षेत्रका एक-दुई स्थानहरूमा हल्का बर्षाको सम्भावना रहेको छ । आगामी आइतबारबाट भने मनसुनको अन्त्य हुने महाशाखाको पूर्वनुमान रहेको छ ।