नवकान्तिपुर संवाददाता
काठमाडौं, २६ असोज ।
सत्तारुढ दल नेपाल कम्युनिस्ट पार्टी (नेकपा) का नेता भीम रावलले हुम्लाको नाम्खा गा।पा।लिमी लोलुङजङमा उत्पन्न भएको नेपाल चीन सीमा विवादका विषयमा सत्य तथ्य सार्वजनिक गर्ने अनुरोध गरेका छन् ।
उनले सोमबार बिहान ट्विट गर्दै सीमासम्बन्धीमा नापी विभाग, परराष्ट्र मन्त्रालय लगायत सरकारका आवश्यक कर्मचारीलाई सामेल गरी स्थलगत अध्ययन गराउनु पर्नेमा जोड दिएका छन् ।
सरकारले केहि समय अघि चीनले बनाएका भवनहरू उसकै क्षेत्रभित्र बनाएको भनेर प्रष्टीकरण दिई सकेको छ । यही विषयसँग जोड्दै नेता रावलले देशको भौगोलिक अखण्डतासँग जोडिएको विषय उठिसकेपछि वस्तुगत किसिमले टुङ्गो लगाउनु पर्ने उल्लेख गरेका छन् ।
हुम्लाको नाम्खा गा.पा., लिमी लोलुङजङमा नेपाल र चीनको सीमासम्बन्धमा नापी विभाग, परराष्ट्र मन्त्रालय लगायत सरकारका आवश्यक कर्मचारीलाई सामेल गरी स्थलगत अध्ययन गराई सत्यतथ्य सार्वजनिक गरियोस् ।देशको भौगोलिक अखण्डतासंग जोडिएको विषय उठिसकेपछि वस्तुगत किसिमले टुंगो लगाइयोस् ।
— Bhim Rawal, PhD (@BhimRawal179) October 12, 2020
