सत्तारुढ नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्डले संसदीय दलका उपनेता सुवास नेम्वाङसँग पनि छलफल गरेका छन् । पार्टी विवादको सेरोफेरोमा प्रचण्ड र नेम्वाङबीच पार्टी कार्यालय धुम्बाराहीमा छलफल भएको हो ।

ओली पक्षका नेताहरुलाई एकपछि अर्को गर्दै प्रचण्डले भेटवार्ता गरिरहेका छन् । यसअघि उनले महासचिव विष्णु पौडेलसँग र उपप्रधानमन्त्री इश्वर पोखरेलाई पनि भेटेका थिए ।

नेम्वाङसँगको भेटमा पनि प्रचण्डले ओलीले पार्टी र देशलाई गम्भीर असर गर्नेखालका कलम चाल्नसक्ने भन्दै त्यस्ता कलममा साथ नदिन चेतावनी दिएका थिए । पछिल्ला ओलीका गतिबिधि पार्टी फुटाउने या संसद नै भंग गर्न लक्षित रहेको भन्दै प्रचण्डले कानुनी अड्चनका बारेमा पनि ओलीलाई संझाउन र बदलाको भावले अगाडि नबढ्न आग्रह गर्न नेम्वाङलाई सुझाव दिएको स्रोतले बतायो ।