केपी शर्मा ओलीलाई अध्यक्षबाट बर्खास्त गरेर माधव कुमार नेपाललाई चयन गरिएको भन्दै बहुमत सदस्यले गरेको आग्रह निर्वाचन आयोगले अस्वीकार गरेपछि नेकपाको प्रचण्ड–नेपाल समूह औपचारिक रुपमै पार्टी विभाजनको प्रक्रियामा प्रवेश गरेको छ ।

उक्त समूहका अध्यक्षद्वय प्रचण्ड र माधव कुमार नेपालसहितका नेताले मंगलबार निर्वाचन आयोगमा पुगेको दलको पदाधिकारी तथा निर्णयको आधिकारिकता सम्बन्धी दावी गरेका छन् ।

निर्वाचन आयोगसम्बन्धी नियमावलीमा निर्वाचन अवधिमा दलको विवाद नहुने स्पष्टै लेखिएकाले आयोगले कुन विधिबाट नेकपाको विवाद निरुपण गर्न भन्ने अन्योल कायमै रहेको समाचार आजको कान्तिपुर दैनिकमा छापिएको छ ।