सुनसरीको सार्दु जलाधार क्षेत्रको जग्गा विवादमा सभामुख अग्नि सापकोटाको नाम मुछिएपछि सचिवालयले प्रेस नोट जारी गरेको छ । सापकोटा वन तथा वातावरणमन्त्री भएको बेला जलाधार क्षेत्रको सरकारी जग्गा व्यक्तिको नाममा गरेको आरोप लगाउँदै अभिव्यक्ति र समाचार सार्वजनिक भएपछि सचिवालयले प्रेस नोट जारी गरेको हो ।

सचिवालयका प्रेस विज्ञ श्रीधर न्यौपानेले जारी गरेको प्रेस नोटमा सर्वोच्च अदालतको फैसलालाई सम्मान गर्दै निर्णय गरिएको दाबी गरिएको छ ।

सर्वोच्च अदालतले २०६७ चैत १७ गते परमादेश जारी गर्दै जग्गा रोक्का गर्ने सरकारी कामकारवाही बदर गरेको प्रेस नोटमा उल्लेख छ ।