सिभिल बैंकले ‘ग्लोबल मनी विक’ को उपलक्ष्यमा ग्लोबल मनी विकको सात दिनमा प्रदेशको रोल क्रमअनुसार विभिन्न जनचेतनामूलक कार्यक्रमहरूको आयोजना गरी मनाउने एक विज्ञप्तिमार्फत् जानकारी गराएको छ ।
निर्धारित कार्यक्रम अनुसार चैत्र ९ गते प्रदेश नं १ स्थित अर्किड कलेज, विराटनगरमा, चैत्र १० गते प्रदेश नं २ को जनकपुरमा, चैत्र ११ गते बागमती प्रदेशको धुलिखेल तथा बनेपामा क्रमशः वित्तीय साक्षरता कार्यक्रम तथा टेम्पुहरूमा क्यू आर कोडमार्फत भाडा भुक्तानीको थालनी गरिने छ ।
यसै गरी चैत्र १२ गते गण्डकी प्रदेशको बेगनास ताल डुंगा व्यवसायी संघमा, चैत्र १३ गते लुम्बिनी प्रदेशको बुटवल, मणिग्राम, तुलसीपुरमा, चैत्र १४ गते कर्णाली प्रदेशको वीरेन्द्रनगर सुर्खेतमा र चैत्र १५ गते सुदुर पश्चिम प्रदेशको धनगढी, जानकी, आदर्श, बन्निगढ, लम्किचुहा र भजनीमा वित्तीय साक्षरता कार्यक्रम सञ्चालन गरिने छ ।
वित्तीय साक्षरता कार्यक्रमहरूमा बैंकले अहिलेको डिजिटल युगमा विभिन्न विद्युतीय कारोवारको माध्यमहरूका फाइदाहरूका बारेमा श्रव्य दृश्य सामग्रीसहितको प्रस्तुति गरिने बैंकले जनाएको छ । साथै, बैंकले आफ्नो सामाजिक संजालमार्फत सात प्रमुख विद्युतीय माध्यमहरू जस्तै मोबाइल एप, क्यू आर कोड, एटिएम, ईन्टरनेट बैंकिंग, कनेक्ट आइपियस, पिओयस र डिजिटल वालेटको बारेमा चेतनामूलक सामग्रीहरूको प्रसारण गर्ने योजना रहेको पनि विज्ञप्तिमा उल्लेख छ ।
