विधान सभाभित्रै पसेर प्रहरीले कुट्यो सांसदलाई (भिडियोसहित)

बिहारको विधान सभामा विपक्षी दलका विधायकहरू प्रहरीबाट कुटिएका छन्। समाचार संस्था एनडिटिभीका अनुसार मंगलबार बसेको लोकसभामा विपक्षी दलका सासंदहरू प्रहरीबाट कुटिएका हुन्।

प्रहरीले सासंदहरूका कपाल तानेको र लात्ताले हानेको फोटो तथा भिडिओ सामाजिक सञ्जालमा सेयर भएका छन्। विहारमा नितिश कुमार जनता दलको सरकार छ। विहारको विधानसभामा पेश भएको नयाँ प्रहरी विधेयकको विषयमा विवाद भएको थियो। विहार विशेष सशस्त्र पुलिस विधेयक २०२१ को विषयमा केही दिनयता विपक्षी दलहरूले विरोध गर्दै आएका थिए।

मंगलबार साँझ सो विधयेक सभाबाट पास गरेपछि विपक्षी दल राष्ट्रिय जनता दल (आरजेडी) ले सदन बाहिरै नाराबाजी गर्दै आन्दोलन गरेका थिए। त्यस विधेयकले प्रहरीलाई पक्राउ पुर्जीविनै जो कोहीलाई समातेर हिरासतमा राख्ने अधिकार दिने एनडिटिभीले जनाएको छ।

पटक पटकको अवरोधपछि विधानसभा स्थगित गरिएको थियो। आरजेडीका एक विधायकले सभामुख विजयकुमार सिन्हाको कुर्सीतर्फ हुत्तिएर गई कागजातहरू च्यातेका थिए। आन्दोलित विधायकहरूले सभामुखलाई चेम्बरमै घेराबन्दी गरेका थिए।

त्यसपछि पटना प्रहरीका प्रमुखले एक सय बढी प्रहरी ल्याएर आन्दोलित विधायकलाई भवनबाट निकाल्न थाले। पोडियममा चढेर सभामुखलाई बस्नबाट रोक्न खोजेकी एक महिला विधायकलाई पनि प्रहरीले हटाएको थियो।

प्रहरीले आरजेडीका केही विधायकहरूलाई सदन बाहिर निकालेपछि उनीहरू अचेत देखिएका थिए। आरजेडीका सासंद तेजस्वी यादवले मंगलबार कालो दिन भएको बताएका छन्। बिबिसी हिन्दीका अनुसार महिला विधायकसहित १२ जना घाइते भएका छन्। कयैं प्रहरी अधिकारी तथा मिडियाकर्मीसमेत घाइते छन्।

 

 

सम्बन्धित समाचार

महाराष्ट्र र झारखण्ड विधानसभा चुनावमा विकास र सुशासनको ‘ऐतिहासिक जित’: प्रधानमन्त्री मोदी

चिकित्सकले मृत घोषणा गरेका एक भारतीय चिताबाट ब्यूँझिएपछि…

पिठो तथा इन्धनको अभावले गाजामा बेकरीसमेत बन्द हुने अवस्थामा : राष्ट्रसङ्घ

नवकान्तिपुरका ट्विटहरूः

लोकप्रिय

सुनको मूल्य बढ्यो, आज कति पुग्यो तोलाको ?

एकीकृत समाजवादीले नेताहरूको जिम्मेवारीको टुङ्ग्यायो

पोखरा–मुग्लिन सडक निर्माण कछुवा गतिमा

‘ड्रागन फ्रुट’ बेचेर वार्षिक १५ लाख आर्जन

महाराष्ट्र र झारखण्ड विधानसभा चुनावमा विकास र सुशासनको ‘ऐतिहासिक जित’: प्रधानमन्त्री मोदी