कलाकार जोगेन्द्र केसी हालै जनसेवाश्री पदकबाट विभूषित भएका छन् ।

गत हप्ता गृह मन्त्रालयले राष्ट्रपति भवन शीतलनिवासमा आयोजना गरेको विभूषण सुशोभन समारोहमा राष्ट्रपति विद्यादेवी भण्डारीले विविध क्षेत्रका व्यक्तित्वहरूलाई गत वर्ष घोषित विभिन्न मानपदवीबाट विभूषित गर्ने क्रममा कलाकार जोगेन्द्र केसीलाईसमेत विभूषित गरेकी हुन् ।

३० वर्षदेखि निरन्तर नेपाली लोक कला र संस्कृतिमा योगदान पुर्याउनु भएका वरिष्ठ नृत्य निर्देशक कलाकार केसी एभरेष्ट नेपाल कल्चरल ग्रुपका नृत्य निर्देशक, लालिगुराँस नेशनल एकेडेमीका संचालक साथै विभिन्न राष्ट्रिय तथा अन्तर्राष्ट्रिय संघ संस्थाहरूमा आबद्ध छन् ।