पूर्व प्रधानमन्त्री एवम् जनता समाजवादी पार्टी नेपालका संघीय परिषद् अध्यक्ष डा बाबुराम भट्टराईले वैकल्पिक शक्ति हुनुको नाताले एकताबद्ध भएर राष्ट्रिय भूमिका निभाउने बताएका छन् ।

उनले बल दलहरूको कोर्टमा आएको छ बताउँदै अहिले सरकारको मात्र नभई मुख्य प्रश्न लोकतन्त्रको रक्षा गर्नु भएको बताएका छन् । पार्टीका अध्यक्ष महन्थ ठाकुरले मध्यरातमा विज्ञप्ति निकालेर विपक्षी गठबन्धनमा नलाग्ने बताएपछि भट्टराईले राजपाले एकताबद्ध भएर राष्ट्रिय भूमिका निभाउने बताए ।

मंगलवार ट्वीट गर्दै उनले लेखेका छन्,’अब बल दलहरूको कोर्टमा आएको छ। प्रश्न एक थान सरकारको मात्र हैन । मुख्य प्रश्न लोकतन्त्रको रक्षा गर्दै कोरोनालगायतका राष्ट्रिय समस्याहरूको हल गर्नु हो। त्यस निम्ति सबै संकिर्ण दलीय/गुटीय सोचभन्दामाथि उठ्नैपर्छ । वैकल्पिक शक्ति हुनुको नाताले जसपाले एकताबद्ध भएर राष्ट्रिय भूमिका निभाउनैपर्छ!’