नेकपा एमालेका अध्यक्ष केपी शर्मा ओलीले राष्ट्रपति विद्यादेवी भण्डारीसँग भेटवार्ता गरेका छन्। राष्ट्रपति भण्डारीलाई भेट्न ओली शीतल निवास पुगेका थिए। राष्ट्रपति भण्डारी र ओलीबीच करिब ४५ मिनेट कुराकानी भएको शीतल निवास स्रोतले जानकारी दियो।

दुवै जनाबीच पछिल्लो राजनीतिक घटनाक्रम र एमाले विवादबारे छलफल भएको बताइन्छ । साथै शेरबहादुर देउवाले अध्यादेश ल्याएर एमाले फुटाउनसक्ने बताउँदै आएका ओलीले त्यसको सम्भावनाको बारे पनि परामर्श गरेका थिए ।

तर, एमालेको राजनीतिमा प्रत्यक्ष चासो राख्दै आएकी राष्ट्रपति र ओलीबीच माधव नेपालसँगको विवाद र समाधानको प्रगतिबारे पनि छलफल भएको थियो ।