नवकान्तिपुर संवाददाता
काठमाडौं, १८ साउन ।
गायक सम्राट चौलागाईंले पाँच महिना पहिले निकालेको गीत ‘सम्झिनी पानी छम्किनी’ तीज भर्सनमा सार्वजनिक भएको छ । तीज भर्सनमा सार्वजनिक भएको ‘यसपालिको तीजमा सम्झिनी पानी छम्किनी’मा गायिकाहरु रचना रिमाल, स्मिता दाहाल र ममता गुरुङले चौलागाईंलाई साथ दिएका छन् ।
भिडियोमा भुवन केसी, दिपाश्री निरौला, आकाश श्रेष्ठ, स्वस्तिमा खड्का लगायतले अभिनय गरेका छन् । विक्रम स्वाँरले निर्देशन गरेको भिडियोमा बाल कलाकारहरू जेभिन र जेभिस श्रेष्ठसँगै आस्युमी ढकाललाई पनि देख्न सकिन्छ ।
गायक चौलागाइँकै शब्द, सङ्गीत रहेको म्यूजिक भिडियोको छायाङ्कन नवराज उप्रेतीले गरेका छन् भने वीर बहादुर थारुको सम्पादन रहेको छ ।
भिडियो :
