नवकान्तिपुर संवाददाता
काठमाडौं, १९ साउन ।
गायक राजेश पायल राईको नयाँ गीत सार्वजनिक भएको छ । राईको ‘फर्कन छोरा’ नामक गीतको म्यूजिक भिडियो सार्वजनिक भएको हो ।
प्रवीण खतिवडाको निर्देशन रहेको भिडियोमा केशव शर्मा दाहालको शब्द रहेको छ भने रचन्दु गोर्खालीको संगीत संयोजन रहेको छ । विदेशिएका युवाहरुको घरमा हुने बाबु-आमाको पीडाको जीवन भिडियोमा देखाउन खोजिएको छ ।
भिडियोमा कलाकारहरु कमलमणि नेपाल र सरिता गिरिको अभिनय रहेको छ । केशव शर्मा दाहालकै प्रस्तुति र निर्माण रहेको भिडियोको छायांकन महेश पौडेलको रहेको छ भने सम्पादन कृष्ण भण्डारीले गरेका छन् । काभ्रेको रबनेपा, तिनपिप्ले लगायतका स्थानमा भियोको छायांकन गरिएको छ ।
भिडियो :
